zjednoćować
zjednoćować
zjednoćować(hornjoserbšćina) wobdźěłać
werb wobdźěłać
wosoba | singular | dual | plural |
---|---|---|---|
1. | zjednoćuju | zjednoćujemoj | zjednoćujemy |
2. | zjednoćuješ | zjednoćujetej (-taj) | zjednoćujeće |
3. | zjednoćuje | zjednoćujetej | zjednoćuja (zjednoćuju) |
aspekt | ip |
transgresiw | zjednoćujo, zjednoćujcy, zjednoćowawši |
prezensowy particip | zjednoćowacy |
preteritowy particip | zjednoćowany |
ł-forma | zjednoćował, zjednoćowała, zjednoćowało, dual: zjednoćowałoj, plural: zjednoćowali (zjednoćowałe) |
werbalny substantiw | zjednoćowanje |
preteritum | |||
wosoba | singular | dual | plural |
---|---|---|---|
1. | zjednoćowach | zjednoćowachmoj | zjednoćowachmy |
2. | zjednoćowaše | zjednoćowaštej | zjednoćowašće |
3. | zjednoćowaše | zjednoćowaštej | zjednoćowachu |
imperatiw | |||
wosoba | singular | dual | plural |
---|---|---|---|
1. | — | zjednoćujmoj | zjednoćujmy |
2. | zjednoćuj | zjednoćujtej (-taj) | zjednoćujće |
3. | zjednoćuj, njech zjednoćuje | zjednoćujtej (-taj) | njech zjednoćuja (zjednoćuju) |
Ortografija
Dźělenje słowow:
zje-dno-ćo-wać
Wurjekowanje
- IPA: zi̯ednɔʧou̯aʧ
Semantika
Woznamy:
- [1] 'Kedźbu! Tute hesło je zarodk. Wone bu awtomatisce z tekstoweho korpusa generowane a njebu hišće kontrolowane. Tež ortografija móže być zestarjena.
Dalše wujasnjenja:
- Imperfektiwne zjednoćowaše je 2x dokładźene, zjednoćowa (móže tež něšto druhe być) 0x.
Synonymy:
- [1] jednoćić; zjednoćić; zjednoćeć; družić; zjednosćić; zjednosćeć; zhromadźić; zhromadźeć; zhromadźować; zwjazać
Přikłady:
- [1] Tohodla je tež zwjazk němskich překupskich zjednoćeństwow w Barlinje z nahladnymi zjednoćeństwami małopřekupstwa w dopisu na knježerstwo namjetowało, zo by so nućena organisacija małopřekupcow zawjedła, a móže so přihłosowanjo knježerstwa w njedawno wudatym přidawku hornjoho postajenja póznać, w kotrymž rěka: "Krajne centralne wyšnosće abo te wot nich postajene wyšnosće maja prawo, zo za zaměry rjadowanja zastaranja we wěstych wokrjesach wobchodnikow kaž zjednoćeństwa k rjadowanju wobstaranja, předawanja a płaćiznow tež bjez jich přihłosowanja k zwjazkam zjednoćuja. (Katolski Posoł 1915)
- Płomjenja dyrbjachu nahe sćěny hrodu wobswětlić, na nich hoberskim sćinam hrać dać, w njesměrnych formach a wuwjedźenjach, w kotrychž so chodojty mjetaja, duše wjazaja, ćěła zhibuja, bohojo wobjimuja a wutroby zjednoćuja. (Koch)
- To dyrbi so jako njeparujomny wobstatk europskeho zjednoćowanskeho procesa zrozumić. (Rozhlad 1993)
- Referent hódnoćeše proces europskeho zjednoćowanja, rosćaceje kulturneje wuměny na zakładźe runoprawosće jako serbskim zajimam wotpowědowacy proces. (Rozhlad 1993)
- Na nawsy so kaž hwězda zjednoćuja puće a dróhi, kiž wjedu z Chelna, Čorneho Hodlerja, Chasowa, Bronja, Łupoje, Kamjeneje, Lutobča a Boranec. (Rozhlad 1993)
- Knjezaj B a C pak hižo zjednoćujetej na sebi historiske wuprajenja wjacorych Serbow: z limonadnym basnistwom měni so Korla Awgust Fiedler, tež poměr k Matejej Urbanej je zapřijaty, Handrij Dučman je so přećiwo basnistwu Ćišinskeho wuprajił. (Rozhlad 1993)
- Proces europskeho zjednoćowanja wuměnja respektowanje prawow narodow a narodnostnych skupin. (Rozhlad 1992)
- Słónco stupaše, a město melodiskeho zwonjenja wisaše 262 nětkole zerzawy zwón ze spěšliweje hary nad městom, disonantiska, chaotiska šmjatanca zwukow, w samotworićelskim akće so zjednoćujo do dźiwnje harmoniskeje, njepłataneje hary. (Brězan)
- Kak lochko móže so łahodnosć postupowanja z tworjenymi figurami přewobroćić do starosprawneje, bjezwuznamneje idyliskosće, pokazuje so při wopisanju pjećapołstalětneho, ze šulskeje słužby pušćeneho wučerja Arno Stange, kotrehož wobraz swěta bě krótko do toho hišće cyłotny a harmoniski a kotryž, zjednoćujo w sebi wšě klišeje ćežko posrědkujomneho bjezdźěłneho, spyta jako zastupjerpředawar dźěłać. (Rozhlad 1998)
- Wone tež wjesele do swěta wołaja, hdyž je wosebita swjatočnosć w cyrkwi; raduja so sobu, hdyž krasny kěrluš "Te Deum laudamus" jako dźak za dóstate Bože dary a smilnosće k njebju klinči, zjednoćuja swój hłós z próstwami wo rjane wjedro abo dešć abo Bože žohnowajo, a skónčnje hišće wozjewjeja swětej tři dny pospochi z připołdnišim hodźinskim zwonjenjom, je-li Bóh luby Knjez jenu swoju njewjestu k Sebi wotwołał. (Katolski Posoł 1917)
- Zjewi so tu z nowa, kak wuzke a nutrne su poćahi, kotrež Wotrowskich wosadnych a jich knjeza fararja zjednoćuja. (Katolski Posoł 1917)
- Tak so jedna z druhej zjednoćuje, hromadźe so dźeržo njedźěla so nihdy. (Stary zakoń 1973)
- Zwjazk nětko nawěčny "jej' cyle zjednoćuje 'a połnje wozbožuje. (Zejler)
- Njech tu smjerć nas rozdźěluje, boža rada čini to; boži raj nas zjednoćuje z tobu, lube dźěćatko. (Zejler)
- Na mnohich městnach hry docpě mlody basnik při wuměłskim tworjenju dialogow a monologow myslowu hłubokosć, kotraž zjednoćuje indiwidualne hladanje postawy z powšitkownej płaćiwosću. (Ćišinski)
- Mjeztym zo so w tutym boju wšě móžne srědki wužiwaja a so z njesprócniwej pilnosću a wutrajnosću k tomule cilej spěcha, hrozy mjeńšim ludam strach, zo budu pohrjebane wot wysoko so zběhacych a politiske mjezy přeliwacych žołmow mócnych a dale bóle so zjednoćowacych narodow. (Ćišinski)
- Dźěłaćerjo jako słabši dźěl dyrbja zawěsće škitani być pred nuzu a škodowanjemi a dyrbja swobodni być we swojich zjednoćowanjach, zo mohli zhromadnje swoje prawa zastupować. (Katolski Posoł 1913)
- Towarstwo zjednoćuje přez 40000 překupcow a skutkuje jara spomožnje. (Katolski Posoł 1913)
- Hdźež so hišće starši a dźěći zjednoćuja k zhromadnomu paćerjej, hdźež muž sebi česći a waži swoju žonu, hdźež staj wobaj mandźelskaj wo dopjelnjenju swjatych winowatosćow, přez slub před wołtarjom něhdy zawdatych, přeswědčenaj, hdźež so wobaj z dowěru na Boha wo časne a wěčne zbožo swojich podatych starosćiwje prócujetaj, hdźež so njepodnurjataj do wjeselow a požadosćow tutoho swěta, tam je Bože žohnowanjo 342 z domom. (Katolski Posoł 1913)
- Wosebje Barlinska strona přecy krućišo přećiwo křesćanskim zjednoćeństwam wustupowaše, a dokelž tute wězo jako sylniše na swojim prawje wobstachu, poča Barlinka strona jich prawowěriwosć přimać a w nowinach pisać a w zhromadźiznach rěčeć, zo je to přećiwo katolskej wěrje a tež přećiwo woli swjatoho wótca, hdyž so katolscy dźěłaćerjo z druhowěriwymi zjednoćuja, runjež by so to tež jenož hospodarskich prašenjow dla stało. (Katolski Posoł 1912)
- Wšitko z Bohom činimy, z Bohom zjednoćujemy, Božomu žohnowanju poručamy. (Katolski Posoł 1912)