stražować
stražować
stražować(hornjoserbšćina)
wobdźěłać| wosoba | singular | dual | plural |
|---|---|---|---|
| 1. | stražuju | stražujemoj | stražujemy |
| 2. | stražuješ | stražujetej (-taj) | stražujeće |
| 3. | stražuje | stražujetej | stražuja (stražuju) |
| aspekt | ip |
| transgresiw | stražujo, stražujcy, stražowawši |
| prezensowy particip | stražowacy |
| preteritowy particip | stražowany |
| ł-forma | stražował, stražowała, stražowało, dual: stražowałoj, plural: stražowali (stražowałe) |
| werbalny substantiw | stražowanje |
| preteritum | |||
| wosoba | singular | dual | plural |
|---|---|---|---|
| 1. | stražowach | stražowachmoj | stražowachmy |
| 2. | stražowaše | stražowaštej | stražowašće |
| 3. | stražowaše | stražowaštej | stražowachu |
| imperatiw | |||
| wosoba | singular | dual | plural |
|---|---|---|---|
| 1. | — | stražujmoj | stražujmy |
| 2. | stražuj | stražujtej (-taj) | stražujće |
| 3. | stražuj, njech stražuje | stražujtej (-taj) | njech stražuja (stražuju) |
Ortografija
Dźělenje słowow:
stra-žo-wać
Wurjekowanje
- IPA: stʀaʒou̯aʧ
Semantika
Woznamy:
- [1] 'Kedźbu! Tute hesło je zarodk. Wone bu awtomatisce z tekstoweho korpusa generowane a njebu hišće kontrolowane. Tež ortografija móže być zestarjena.
Dalše wujasnjenja:
- Imperfektiwne stražowaše je 35x dokładźene, stražowa (móže tež něšto druhe być) 0x.
Synonymy:
- [1] wobstražować; wachować; wobarnować; dohladować; na straži stać; škitać; kontrolować; na straži być sym
Přikłady:
- [1] Francózska podmórska łódź "Curie" bu wot awstriskich přimórskich batterijow a stražowacych łódźi potřělana, bjez toho zo móžeše žanu awstrisku łódź přimać. (Katolski Posoł 1915)
- Jeni dóstachu poručnosć, zo bychu za powšitkowne spomoženjo čłowjekow so starali; druzy, zo bychu nad jenej dušu stražowali. (Katolski Posoł 1915)
- Ja stražowach kaž wona nad tymle drohotnym pokładom. (Katolski Posoł 1915)
- Jězus pak wotmołwi: "Ty sam, mój swěrny słužowniko, budźeš nad tutymi pokładami stražować a je přećiwo njepřećelskomu duchej škitać. (Katolski Posoł 1915)
- Łódźam, tež neutralnym, běchu tak wěste puće postajene a Jendźelska móžeše stražować, zo ničo do Němskeje njepřińdźe, štož Jendźelska njecha. (Katolski Posoł 1915)
- Tež swěrny Móras, kiž dyrbješe před wowčernju w chěžcy stražować, dósta swój dobry pórcijón. (Katolski Posoł 1915)
- Hańbićiwosć błyšćeše so na jeje čole, pokornosć wodźewaše jeje hrudź; mudrosć stražowaše jeje wutrobu; lohkomyslneje rěče njepřekroči jeje hubje. (Katolski Posoł 1915)
- Štó zdźerži jim tule ruku, zo by je wjedła, tejle woči, zo byštej je stražowałe, tule wutrobu, zo by je lubowała? (Katolski Posoł 1915)
- Ja budu nad nim jako zakitar a wjećer stražować. (Katolski Posoł 1915)
- Němske łódźe lěpje stražuja hač jendźelske. (Katolski Posoł 1915)
- A hdyž je so dźeń nachilił a bože słónčko w boži domčk šło, potom boži měsačk stražuje nad wotpočowacej zemju. (Katolski Posoł 1915)
- Wot dźensnišoho njejsym wjacy na twjerdźiznje, stražuju w lazareće, a to wot 5-7 a 9-11 wječor, 5-7 rano a 11-l připołdnju, a tak sym časa nabył, zo bych do domizny něšto napisał. (Katolski Posoł 1915)
- Duchowna knježna jón z česćownosću widźi, hdyž stražuje při marach zemrěteje sobusotry, kotraž w čornych drastach tam leži ze sněh-běłym njewinowatym wobličom, kaž rjana njewobškodźena róža. (Katolski Posoł 1915)
- Tajke žiwjenjo njeje maćerjam přinarodźene; wjele bóle hori so wutroba maćerina z lubosću a sobuželnosću napřećo tym dźěćom, kotrež su njezbožowne abo chore, a kotrež sebi wosudna smjerć za wopor žada; tehdom pokaza so maćerina lubosć w najrjeńšim swětle a wodnjo a we nocy stražuje a hlada swoje dźěćo, zo by je zdźeržała. (Katolski Posoł 1915)
- W ćežkich hodźinach, hdyž k zakitej wótčiny za krala a kejžora w hrjebjach stražuja, su sebi wědomi, zo je jeno krótka kročel do wěčnosće. (Katolski Posoł 1915)
- Mjezy "škitajmy sw' stražujo, Byrnjež druhdźe 'jenož zawisć jěra. (Katolski Posoł 1915)
- Tam wonka na cuzej zemi snadź nětkle stražuje swěrny hač do smjerće, smjerće, kotraž snadź so hižo (z jenym wóčkom) šibale na njoho směje, na njoho měri. (Katolski Posoł 1915)
- Hlej k połdnju zběhaju so módre hory, K połnocy ćěmna hola stražuje; A k nim a w njej so tula běłe dwory A zemja tuk a tyće daruje. (Katolski Posoł 1915)
- A sedźo jeho stražowachu. (Sćenje po Swj. Mateju 1960)
- Ale hejtman a kotřiž při nim běchu a Jezusa stražowachu, wohladawši zemjerženje a, štož so stawaše, bojachu so jara a dźachu: Zawěsće, tón bě Boži Syn! (Sćenje po Swj. Mateju 1960)
- Tuž přikaž stražować row hač do třećeho dnja, zo njebychu snadź jeho wučobnicy w nocy přišli a jeho pokradnyli a ludej rjekli: Wón je z morwych stanył; a było tak poslednje jebanje hórše dyžli prěnje. (Sćenje po Swj. Mateju 1960)
Přełožki
wobdźěłać
|