Konrad

Konrad

Konrad (hornjoserbšćina)

substantiw, předmjeno, m

kazus	singular	dual	plural
nominatiw	Konrad	Konradaj	Konradojo
genitiw	Konrada	Konradow	Konradow
datiw	Konradej	Konradomaj	Konradam
akuzatiw	Konrada	Konradow	Konradow
instrumental	z(e) Konradom	z(e) Konradomaj	z(e) Konradami
lokatiw	po Konradu	po Konradomaj	po Konradach
wokatiw	Konrado	Konradaj	Konradojo

Ortografija

Dźělenje słowow:

Kon·rad, lokatiw Kon·ra·dźe

Wurjekowanje

MFA: [kɔnʀad], lokatiw ['kɔnʀaʥɛ]

Słuchowe přikłady:

Semantika

Woznamy:

[1] mužace předmjeno

Dalše wujasnjenja:

[1]

Skrótšenki:

[1] K.

Pochad:

[1] wot němskeho muskeho mjena Konrad, dwuzdónkateho starowysokoněmskeho mjena, zestajaneho z germanskej mjenowej elementaj kon / kun / ken (= potomnistwo) abo kuon (=zmužity, chrobły; nazhonjeny) a râd / rât / rêt (= rada), wot pragermanskeho *kunją ^[→en] abo *kōniz a *rēdaz

[2] wot [1]

Warijanty:

[1] Kuno

Žónske formy:

[1] Kuna

Hyperonymy:

[1] předmjeno, mjeno

Hyponymy:

[1]

Kolokacije:

[1]

Přikłady:

[1] W nadźiji, zo hońtwjer a sobušuler Konrad Ryćer swoje słowo dźerži a za tute wjetše zetkanje sornu dari, so wšitcy spokojom rozžohnowachu. (Serbske Nowiny, 1. požnjenca 1999)

[1] Scenarij pisachu Kito Lorenc, Toni Bruk a Konrad Herrmann, kotryž tež režiju wjedźeše, film to z wulkej temu, paraboliskim stilizowanjom a z přemóžacym wuspěchom w tu- a wukraju. (Rozhlad, 1997)

[1] Zbytki njezjědźeneje picy w kortach a tam a sem před korčmu rozestajane bowy zdachu wobswědčić, zo je tam njedawno črjóda jězdnych pozastała, a šelhawy korčmar, wo kotrymž so njechmane wěcy powědachu, wobswědči, zo je tu wot samoho switanja sem Konrad ze swojej črjódu čakał, a wučakać njemóžo, před chwilku wotjěchał, w čerwjenej hospodźe pak budźe wobjedować, a zo so tam wěsće zeńdźetaj. (Katolski Posoł, 1913)

[1] Konrad zawoła, bóle wjesoły, hač móžeš sej myslić, wšu swoju čeledź do jstwy, a stražnik z wěže dyrbješe dele; a tak dyrbjachu při hudźbje harować hač do wustaća. (Katolski Posoł, 1913)

[1] Je blešu palenca sobu do šule wzał, a z někotrymi worakawcami su małeho Konrada, syna lěkarja Wencla, tak wopojili, zo je potom cyłu šulsku stwu zabluwał a zo su jeho dyrbjeli kaž choreho domoj wjezć. (Marja Kubašec)

Rěčne wobroty:

[1]

Wotwodźene wopřijeća:

[1]

Znaći nošerjo mjena:

[1] Konrad Zenda

Přełožki

Zapadosłowjanske předmjena

čěski: [1] Konrád m delnjoserbski: [1] hornjoserbski: [1] Konrad m kašubski: [1]

połobski: [1] pólski: [1] Konrad m, Kozio m słowakski: [1] Konrád m šleski: [1]

Wšitke

asturski: [1] Conráu čěski: [1] Konrád m delnjoněmski: [1] Konrad, Conrad, Kord, Koord, Koert, Cord, Coord, Coert, Kone, Konke, Keno, Kuno baskiski: [1] Korrada finski: [1] Konrad francoski: [1] Conrad m hornjoserbski: [1] Konrad m islandski: [1] Konráður italski: [1] Corrado m jendźelski: [1] Conrad korsiski: [1] Conradu letiski: [1] Konrāds litawski: [1] Konradas

łaćonski: [1] Conradus m madźarski: [1] Konrád němski: [1] Konrad m; Kurt m, Kuno m, zestarjeny: Kunz m nižozemski: [1] Koenraad, Koen norwegski: [1] Konrad pólski: [1] Konrad m, Kozio m portugalski: [1] Conrado m sardiski: [1] Corràdu sicilski: [1] Corradu słowakski: [1] Konrád m słowjenski: [1] Konrad m španiski: [1] Conrado m šwedski: [1] Konrad

Referency a dalše informacije

[1] Čěska wikipedija: Konrád]

[1] Němska wikipedija: Konrad]

[1] Pólska wikipedija: Konrad]

[1] Słowjenska wikipedija: Konrad